首先要同支持本店既客人講聲多謝☺🙏 話咁快CU Dear 成立差唔多一年啦，呢一年裏面真係面對唔少問題同挑戰，多謝你地既友善同支持，陪伴住我地一齊成長。 我係一位做緊文職工作既2孩媽媽，由於生左小朋友，開始注重健康飲食，亦因為貪靚，想減番生完BB帶黎既頑強脂肪(真係超級頑強🙄) ，因而接觸到生酮飲食。為食既我生酮前最鍾意食烘焙產品，生酮後冇得食又點會忍得住呢？🙈 所以就積極研究生酮麵包蛋糕🥐🍞🎂🍰🍩🍪 原本只係做俾屋企人或親朋好友食，從未唸過做生意，但係有好朋友提議我放上網賣之後，我就開始心思思👉🏻👈🏻，再經過老公同好朋友既支持同鼓勵，最後我既網店CU Dear就誕生啦～☺🎊 其實開店以來，最開心係收到你地既回應，每次你地留言俾我，無論係答謝既說話、食後感或打氣既說話，我都會從心而笑，覺得好窩心。你地實在太好啦！🤗